Vacancy: Kaihautū Māori
Moana New Zealand
Tamaki, AUK
3d ago
source : ExploreJobs

Tamaki, AucklandKo Wai Mā Mātou : Ko Moana NZ te kamupene rahi rawa he Māori ōna rangatira i Aotearoa.Ko ngā huamoni katoa ka riro i a mātou ka whakahokia ki te Māori, hei huanga hea, me tā mātou pupuru i te toenga hei poipoi i ngā kōkiri whanaketanga wā roa o Moana New Zealand.

  • Ko Aotearoa Fisheries tētahi wahi nui o te Whakataunga Reanga-Maha o ngā Tauranga Ika Māori me te Karauna.Mā te āhua o tēnei whakataunga ka whai wāhi tūturu te iwi Māori ki ngā tauranga ika;
  • ki ngā ngohe me ngā haumitanga he tirohanga wā roa i roto.Kore rawa e taea ēnei rawa te hoko.I ā mātou mahi katoa, e kore e peka kē tā mātou titiro ko ngā painga katoa mō ngā whakatupuranga kei mua i te aroaro, tā te Kaitiaki hanga.

    Tō Mātou Whāinga Wāhi : E arotahi ana tō mātou umanga Takutai ki ngā ika urutira i takea mai i ngā wai mutunga mai o te tikitū huri noa i Aotearoa.

    Tīmata tonu i te haonga i te moana, tae noa ki te tukunga ki te iwi whānui, he tikanga he whakaritenga ā mātou kia noho mata tonu ā mātou ika kairangi taea noatia te tāpaetanga ki mua i ō mātou kiritaki huri noa i Aotearoa, otirā i te ao.

    I roto i ā mātou mahi mō tēnei 30 tau ka hipa ake, e ū ana ō mātou wāhi mahi katoa ki ngā paerewa mutunga mai o te tiketike mō te haumaru kai, me tō mātou hari kua piri mātou mō ngā tau maha ki ngā kaihī me ngā kaimahi tū motuhake, ko rātou ka noho hei pūtake mō tō mātou umanga.

    Ko tā te Kaihautū Ahuwhānui he tuku pūrongo ki te tari o te Tumu Whakarae, ā, ka riro i a ia te kawenga mō te whakawhanaketanga, te whakatinanatanga hoki o tētahi mahere rautaki pakari, hei arataki, hei tautoko hoki i te tutukitanga o te mahere rima-

    tau o Moana.He mema taketake koe nō te kāhui kaiwhakahaere, ā, māu e tū ki te tauihu o te waka hei kaihautū, hei hoa mahi kōtui, hei kaitohutohu e whakawhirinakitia ana, mō ō hoa mahi, mō tō kāhui mahi me te umanga whānui.

    Ka pupuri koe i te hoe o tēnei wāhanga o te mahi, ā, ka riro māu te kawenga kia eke ngā whāinga rautaki, whāinga arumoni hoki o tēnei wāhanga he maha ōna wāhi mahi, puta noa i Aotearoa.

    Tētahi wāhi o tēnei mahi he tautohu i ngā huarahi auaha, arumoni hei whakapiki i te noho i te ao hokohoko, te arataki i ngā tikanga mahi, whakanao kakama, me te tāpae i ngā kōtuitanga rautaki, ngā haumitanga, i ngā whāinga wāhi hoko kamupene hoki e tautokona ai ngā wawata rautaki o te umanga.

    Ka ngahau ki a koe te whakauru atu ki ngā mahi tūturu, te whakamanawa, te whakahihiko me te whakawhanake hoki i tō kāhui kaiarataki kia mahi tahi, hei hanga i tētahi umanga tino hihiri, he kairangi katoa āna mahi.

    He tino ngāwari ki a koe te whakamārama, ā, mā ō tikanga hautū e tārei tētahi ahunga hou, whai-hua hoki mō te mahi hautū, mō te taha tangata, me te whakapūmau hoki i te wairua noho ātea, noho haepapa i roto i ngā mahi.

    Ka riro māu e arataki e kōkiri te ahurea kia noho ora tonu ki a haumaru hoki te kaimahi, ka mārama, ka tautoko hoki koe i ngā kī taurangi mō te toitū me te kawe haepapa ā-

  • pāpori, ka noho hoki koe hei māngai mō ngā mahi whakaruruhau me ngā mahi tino tika.Tāu e Hari mai ai : He tino tūnga tēnei, he maha āna wero, āna whiwhinga hoki ki te tangata, ā, he tino wāhi tēnei mō tētahi tangata e tiro ana ki tana huarahi hōu i te ao mahi;
  • e piki ai ia ki te tūnga kaiwhakahaere ā-umanga ā tōna wā, me te whāinga wāhi i tēnei tūranga kia whakatupuria tēnei wāhanga kamupene, kia whakatupuria tō taha mahi, kia puta hoki he tino hua.

    Kua tautōhito kē koe i te taha mahi, i te taha arumoni hoki, ā, ka kaha koe ki te whakatairanga i te taumata hei whakamaunga atu mō te ihu o te waka, me te hoehoenga o te tangata.

    Kua hau tō ingoa hei kaiwhakaū i te ahurea, arā, he tuitui tangata tō āhua, he āheinga ōu kia whakahaere, kia mihia hoki koe mai i te papa o te wheketere ki ngā tari o runga, tae noa ki te poari.

    Ko te tino painga ia, kua whai tohu whare wānanga koe me ō mahi i mua i te ao FMCG, i te hurihanga waihanga, tuku hua hoki ki te kaihoko, ā, kua mōhio koe, kua mahi rānei koe i tētahi ahumahi ahuwhenua, ahumoana.

    Mehemea he tautōhito koe ki te ao hī ika, kaimoana, hua rānei me āta tiaki kia kainga wawetia, ko te painga atu tēnei.Kua mōhiotia kētia tō ingoa hei kaihautū tūturu, kaihautū whai kiko, he mōhio ki te whakawhanaunga ki te huhua o te tangata, ahakoa i roto, ahakoa i waho.

    Ehara i te mea ka tirohia anake ko ngā hua o ō mahi i ō tau katoa e mahi ana, engari ka whakapiria atu hoki e te ngutu o te tangata te āhua o ō tikanga mahi, ngā uara, ngā whanonga me te kaupapa i te pūtahi, mōu, mō ō kāhui mahi hoki.

    Ka mārama koe, ka tautoko ā-ngākau koe i ngā hiahia me ngā moemoeā o te iwi Māori, ā, ka hiahia hoki koe ki te whakawhānui i tō mōhio ki ngā wawata ā-

    ōhanga, ā-pāpori o ngā iwi.Mehemea he tautōhito koe ki te mahi ki tētahi iwi, he piripono hoki ki ngā tikanga me te reo Māori, ko te painga atu tēnā.

    Tō tātou iwiE hari ana mātou mō ā mātou mahi i roto i ngā tau, tō mātou tū, tō mātou pono hoki ki te kaupapa kaitiaki, ko mātou tērā, mō ngā whakatupuranga kei mua.

    He whakahaere kaupapa a Moana New Zealand, e whakapono ana ko te tangata te mea nui ki a tātou, me tā mātou kawe i ngā tikanga Moana i ia rā, i ia rā.

    Ki te hiahia koe kia noho koe hei tangata waihanga i Moana New Zealand mō ōna rā, mehemea e tino hono ana koe ki ā mātou mahi, ka kaha hoki koe ki te kawe i ngā āhuatanga o tēnei tūnga, tēnei mātou te pōwhiri i tō tono hiahia mai.

    Tēnā tukua mai tō tāhuhu tangata me tō reta tono c / o Moana’s Recruitment Partner Tribe Recruitment partners, Cameron King to Cameron Tribegroup.

    com. Closing date 13 November 2019.

    Apply
    Add to favorites
    Remove from favorites
    Apply
    My Email
    By clicking on "Continue", I give neuvoo consent to process my data and to send me email alerts, as detailed in neuvoo's Privacy Policy . I may withdraw my consent or unsubscribe at any time.
    Continue
    Application form